Kommon liv a little

Þessi vika er búin að vera ansi spes, hvað það varðar að ég er í fríi. Já mín vinna undanfarna 15 mánuði var sonur minn. Núna er hann  að leika sér hjá dagmömmunni. Það er ekkert smá nice að fá svona vikufrí. Ég pantaði mér grænmetispítsu áðan, lagði mig í morgun en ætlar svo reyndar út að hlaupa á eftir. Það er bara svo fáránlega nice að eiga svona frítíma og slappa af - hanga í leti. Ég verð svo komin í skólagírinn strax á mánudag, cant wait !!! Hlakka svo til að massa skólann. Hlakka minna til þess að þurfa að gista í Rvk og sjá Krumma ekki þá daga 

Reyndar hljómar eins og ég sé að deyja úr leti en ekki má gleyma allsvakalegum spinning tíma í gær og á mánudag. Bar líka olíu á allan  pallinn, það var nú ansi gott verk  Skelli inn myndum í næstu viku því það er allt að gerast, klára að þökuleggja og veggurinn  í bílastæðinu verður steyptur á eftir !! svo þetta fer að lúkka !!

Var að setja inn nýjar myndir hjá Krumma

ciao ciao 

Að elska

Hvernig er hægt að elska einhvern svona mikið, elska einhvern svo mikið að þú munt elska hann sama hvað gerist. Þú munt elska hann þrátt fyrir að hann fremji alvarlegan glæp, þú munt elska hann þrátt fyrir að hann segist hata þig og þú munt elska hann þrátt fyrir allt. Því hann verður alltaf sonur þinn ! 

 

Afsakið væmnina en það er bara ekkert eins yndislegt og að eiga lítinn mini me.

kv. Tinna mamma 

Brotist inn til dagforeldra Krumma

Sömu kauðarnir að verki, helvítis dópistapakk að brjótast inn á rólóvöll... hvað hefur maður upp úr því? nokkra pollagalla, skóflur og skyr...??? ...

 Hversu lágt getur maður lagst, Krummi er sem sagt heima í dag 

Helginni verður eytt í málningavinnu og garðrækt

 

kv. Tinna Brá

Þjófar höfðu kex og gos upp úr krafsinu

Nýr kafli

Krummi er byrjaður hjá dagmömmu, þvílíka sjokkið að hafa allt í einu tíma til þess að gera nauðsynlega hluti eins og taka til Mér finnst þetta svoldið skrítið. Þetta er meiri aðlögun fyrir mig núna frekar en hann held ég, hann skemmtir sér allavegana konunglega. Greyið er með bólgin ökla, veit ekki hvað gerðist en hann getur ekki stigið í löppina og labbað. Finn svo til með litla stráknum mínum. Ég er búin að vera "heimavinnandi" í 15 mánuði, æðislegur tími en erfiður og leiðinlegur líka. Get ekki beðið eftir því að klára skólann í vetur og vera á meðal fólks á hverjum degi...

Þar sem ég er að byrja í skólanum þá var ég að eignast annað barn, MAC PRO takk fyrir , Einar gaf mér hana í afmælisgjöf Ekkert smá ánægð með gripinn, var með tölvuna hans Einars síðustu ár, sem er núna 5 ára gömul. Það er ekki töff, núna er ég ofur töff mac gella  

 

 

Skólinn byrjar sem sagt 25. ágúst

Þangað til er bara vinna í kjallaranum dag og nótt

Heyrumst 

kv. Tinna Brá 

Gömlu skaufar

Hversu gamaldags er hægt að vera, varðveita 19. aldar götumynd.

Ég er bara þeirrar skoðunar að mörg hver húsin á Laugavegi eru falleg  og hægt að gera upp . ... EN ég fíla ekki að það þurfi að halda einhverjum skúrum og ekki megi byggja falleg ný hús með. Þetta er gert í mörgum borgum, þetta poppar bara upp byggðina og gerir gömlu húsin sérstakari fyrir vikið - mikil andstæða.

 

Vonandi er einhver þarna með viti og það rætist úr þessu.

Hérna er dæmi um nýjan Arkitektúr innan um gömul hús. Kannski spurning að fá Daniel Liebeskind í málið og þá þegja þeir !! 

 

 

 

 

 

 

Endilega tjáið ykkur

 

Vaxandi óvissa um Listaháskóla

Myndir af framkvæmdunum fyrir Solveigu

Nútíma þægindi minn rass !

Ég verð að segja ykkur frá einni vinkonu minn, eftir að hún eignaðist barn þá getur hún verið svo utan við sig. Þessi vinkona mín fór í búðina á föstudaginn, setti strákinn sinn í bílstólinn og fór svo að ná í pokana og setti þá inn í bíl. Því næst ekur hún af stað, nema hvað.. eftir að hafa keyrt út úr bílastæðinu og smá vegalengd að götunni sér hún í baksýnisspeglinum að hún hefur ekki lokað hurðinni aftur í... svo hún stoppar og lokar hurðinni með fullt af bílum í kringum sig, spáið í því ekkert smá neyðarlegt Jæja hún lætur þetta nú ekki á sig fá og fer í ríkið og kaupir kassa af bjór, hún ætlar að vera góð við iðnaðarmennina sem eru að vinna, gefa þeim smá bjór svona í lok dags Nema hvað að hún er svo utan við sig að hún kaupir bjórinn en skilur hann svo eftir á borðinu og labbar heim eftir erfiðan dag. Svona getur fólk nú verið utan við sig, mikið er ég fegin að vera ekki svona Þessi sama dama hefur einmitt stungið eða reynt að stinga snuðinu upp í manninn sinn en ekki barnið sitt !!

Krummi kominn inn í tölvuskápinn

 

 

Héðan er allt gott að frétta svo sem nema hvað að Einar tók eða rústaði símatenginunni í brjálæðinu niðri þannig að við vorum ekki með internet, síma eða sjónvarp alla vikuna Svo var hann að saga niðri og sagaði í sundur kaldavatnslögnina, þannig að við höfum ekki kalt vatn , ég meina hver þarf að sturta niður eða fara í bað?? ehh ekki ég... Til að bæta gráu ofan á svart þá sprungu tveir ofnar hérna í síðustu viku og allt fór á flot í Krumma herbergi svo það er ekki heldur hiti á húsinu !! og Krummi náttúrulega orðinn kvefaður - Takk Einar

Þetta lag er í uppáhaldi núna,ég var einu sinni heitur Pearl Jam aðdáandi en svo hættu þeir að gefa út gott stuff, þar til að Eddie Vedder kom með þetta... 

Kveðja Tinna Brá og Krummi sveitastrákur

Ja drengur...

Snúllinn minn er loksins farinn að labba, hann er reyndar ekkert að hlaupa út um allt. Er sko miklu sneggri að skríða, velur það frekar en að labba ef hann þarf að nálgast e-ð hratt Maður er alltaf svo ótrúlega stolltur af honum þegar hann gerir e-ð nýtt og þroskast, fyrst þegar hann labbaði þá kom hann út úr herberginu sínu labbandi fram í eldhús þar sem ég var að elda. Mig hefur svo oft dreymt hann - áður en hann fæddist þá dreymdi mig hann alltaf labbandi út úr herberginu sínu, frekar spes .

Núna eru við mægðin búin að vera fyrir vestan í viku, gamli kemur eftir vinnu að "sækja" okkur. Verðum framyfir helgina hérna því ég er að fara á fermingarmót, hlakka til að hitta krakkana. Skömm að segja frá því að ég hef ekki séð marga af þessum krökkum í 3 ár eða síðan síðasta bekkjarmót var. Þekki þau varla lengur, frekar glatað. 

Framkvæmdirnar fyir norðan eru í hámarki núna held ég, margt búið samt. Búið að skipta um næstum alla gluggana á efri hæð og svalahurðin komin út. Búið að steypa vegginn að framan og alla veggina að aftan. Einar búinn að rústa kjallaranum og núna er bara að fara í það að skipuleggja og gera upp þar. Setjum gólfhita og þurfum að brjóta veggi. Mikið að gerast sko Get haldið heilt ættarmót þarna í haust með öll þessi herbergi. Við erum 3 í fjölskylda, það er nú alveg lágmark að hver hafi 2 herbergi  útaf fyrir sig

Ég er búin að vera á svakalegu "fyllerí" hef bara farið 2 út að hlaupa þessa vikuna og étið eins og svín, enda á hótel mömmu. Hvað á ég að gera við mig ? 

Adios

Tinna Brá

 

Sumarfríið og húsið

Við komum heim í gær eftir ansi langt ferðalag. Lögðum af stað frá Alcudia kl 5:30, vöknuðum sem sagt kl 5 eða 3 að ísl tíma. Vorum svo komin eftir klst á flugvölinn í Palma, biðum þar vegna seinkunar og flugum svo í 4 klst :) keyrðum svo í 45 mín til RVk frá Kef. Flugum svo frá Reykjavík til Akureyrar kl 15:30, Svakalegt ferðalag :) drengurinn okkar stóð sig eins og hetja í þessu öllu saman enda orðinn vanur svo sem. Svo þegar við komum heim í Hiroshima þá var allt í rúst náttúrulega. Garðurinn allur að koma til þó en verið að setja nýja glugga. Algjört rask á heimilinu ... Svo við mægðin stoppum stutt á Ak og ætlum að flýja vestur á morgun. Fljúgum í fyrramálið og verður í Rvk á morgun og keyrum svo vestur, ferðalagið heldur sem sagt áfram :)

En Mallorca var snilld, æðislegt veður allan tímann og gaman að hafa Einar í fríi með okkur einu sinni. Tók bara 6 vikna frí síðasta sumar og fæðingarorlofið sko ekki nærri búið né sumarfríið. Við vorum náttúrulega bara í sundlauginni allan daginn, Krummi elskaði það og fannst líka mjög gaman á ströndinni að moka sand. Þetta var bara aflsöppun og notalegheit. Tókum bílaleigubíl tvisvar, mjög gott að keyra þarna, verlsuðum i Palma.Hef svo sem ekki margt að segja um þetta ... skelli inn myndum þegar ég kemst almennilega í tölvu. Flúði á bókasafnið því það er ekki hægt að vera heima.

Hlakka til að fara vestur, mér skilst að það sé fermingarafmæli/party svo það verður stuð, hélt reyndar að það væri þarnæstu helgi... verð að kanna það betur :)

Heyrumst betur seinna

kv. Kolbrún Hvíthærða

H og H

Helgin var alveg hreint frábær  Svakalega gaman að fá heimsókn, sérstaklega Siggu ömmu frá USA. Krummi var alveg í essinu sínu að fá svona mikla athygli og knús frá öllum. Breki var svo góður að leika við hann, svo sætir saman. Fórum í Kjarnaskóg í gær þar sem það var geðsjúkt veður, mamma vildi fara í sólbað svo það var ansi nice að eyða deginum þar. Fórum ekki á götuspyrnuna því við vorum að elda fyrir alla gestina, ferlega fúl með það. Okkur langað svo að sjá hana, pabbi var bara einn frá 17-21 agalega spenntur yfir þessu.

Í gærkvöldi fórum við svo á Mugison tónleika, retro stefson hituðu upp og svo voru Helgi og Hljóðfæraleikararnir á eftir. Skyldum ekkert afhverju fólk var að kalla sífellt, H og H , H og H, H og H... Þá er það sem sagt Helgi og Hljóðfæraleikarnir. Ekki bjóst ég nú við skemmtun  þar en djöfulli voru þeir hressir, skemmti mér mun betur en þegar Mugison var að spila, hann var samt góður, tók bara fá lög og ekki eins mikil stuðlög. Fórum svo heim kl 1:30 ekki við mikinn fögnuð, algjörir beilerar. Baraa nóg að gera þegar maður er með gesti.

Kíkið á þetta myndband af Helga og hljóðfæraleikarana. Ykkur finnst þetta örugglega spes, það er það en stemmingin var góð. Svona lúða pönk rokk ´

Framkvæmdirnar eru gífurlegar þessa dagana, það var steypt fyrir veggnum á fimmtudag. Magnað að sjá svaka krana yfir öllu húsinu því það er ekki hægt að komast að þessu fyrir aftan. Svo erum við að fara út í tvær vikur, þá ætla þeir að skipta um gler í húsinu, steypa meira, gera pall og svona. Vonandi verður mikið búið þegar við komum heim. Svo þegar við komum heim verður gamla fólkið flutt og við fáum kjallarann afhendan  vei vei þá geta allir komið í heimsókn. Á meðan við verðum úti verður fólk í íbúðinni svo verður unnið hérna allan daginn svo það ætti að vera nóg um að vera. Hlökkum ekkert lítið til að komast út, Einar er kominn í frí  hefur ekki verið í fríi í heilt ár að ráði. Kærkomið frí framundan sem sagt.

Heyrumst - aldrei að vita nema maður nenni að blogga og setja inn myndir frá Mallorca, lofa engu samt.

Bleble