Þá get ég hætt að fara í bíó loksins

Jæja þá er hámarkinu náð. Bíómiðinn kominn upp í 1000 kr !! frábært. Bóóferð fyrir okkur hjúin væri þá 2000 kr + popp og kók = 3000 kr. Svo þarf að fá barnapíu þar sem engir ættingjar búa á staðnum . Það gerir þá 4000,- kr í það heila. Bara gefins Borgar sig bara að fara og kaupa flottan flatskjá og skella poppi í örbylgjuna því þú ert fljótur að fara upp í háa upphæð ef þú ferð stöku sinnum í bíó. En þetta er bara flott, því núna hef ég tekið ákvörðun, ég ætla aldrei aftur í bíó.

Sama góða veðrið í dag, ætlum í heimsókn í barnapössunina (fór út að hlaupa í gær) ætlum bara að heimsækja krakkana sem eru þar. Svo ætlum við á róló til verðandi dagforeldra Krumma, hann byrjar þar 1. ágúst  

Við erum farin út í góða veðrið, hérna var sko vaknað kl 6:15 takk fyrir. Eins gott að ég fór að sofa 22:30 eins og gamalli kellingu sæmir  

Heyrumst kv. Tinna og Krummi 

Bíómiðinn kominn upp í 1.000 krónur

Athugasemdir

[Hjörtur Hjartarson (IP-tala skráð) 4.6.2008 kl. 08:15]

Heyr, Heyr. 

Fyrir ári lofaði ég sjálfum mér að kaupa ekki miða í bíó framar og er hingað til búin að standa við það. Þetta eru ekkert nema ræningjar

[Jón Flón (IP-tala skráð) 4.6.2008 kl. 08:18]

Það athyglisverða er að fyrir 10 árum sögðu framkvæmdastjórar bíóhúsanna nákvæmlega hið gagnstæða. Þeas. að gengishækkun væri að valda hækkun á miðaverði, þegar miðinn fór upp yfir 600 krónur. Væri gaman ef einhver fjölmiðilinn myndi nú grafa það upp og birta hliðstætt þessari frétt.

Ég vona að þjóðin láti ekki svona bjána gera sig að fífli.

[Balsi (IP-tala skráð) 4.6.2008 kl. 09:00]

1.000.- kr. ???

Ég fór í bíó síðasta föstudag og þá kostaði miðinn 1.100.- ! 

[Bíóunnandi (IP-tala skráð) 4.6.2008 kl. 10:19]

Mig langaði bara að benda áhugasömum bíóförum á að það er alltaf ódýrara að kaupa á midi.is.

Miðaverð í Sambíóin er t.d. sem stendur 900 kr. þar í venjulegan sal og 1.900 í lúxussal svo það borgar sig að kaupa á midi.is fyrir þá sem fara oft í bíó.

[Tinna Brá Baldvinsdóttir, 4.6.2008 kl. 11:00]

Þetta er reyndar rétt hjá þér Tómas, ég hef farið í bíó í USA t.d og það var svipað dýrt og Íslandi (man ekki nkv verð) Bíóhúsið þar var ekkert betra en hérna heima. Svo það er nokkuð til í þessu. Ég er bara ekki tilbúin í þetta verð :) vissi ekki af midi.is - að þeir selji bíómiða :)

[Andri (IP-tala skráð) 4.6.2008 kl. 15:10]

En ef þér væri boðið ?

[Tinna Brá Baldvinsdóttir, 4.6.2008 kl. 16:30]

úúú þá mæti ég og fussa svo og sveia hvað þetta sé mikið bruðl alla myndina

[corvus corax, 5.6.2008 kl. 08:24]

Þessir bíóeigendur eru ekkert nema ótíndur glæpalýður, okrarar og svikahrappar! Mynd er auglýst kl. 20.00 og svo þarf maður að sæta því fyrstu 10-20 mínúturnar að þola auglýsingar sem bíómafían er búin að selja auglýsendum með aðgang að bíógestum. Það hlýtur að vera krafa að myndin byrji á auglýstum tíma og þeir sem vilja láta nauðga sér með auglýsingasölu gætu bara mætt fyrr og horft á þennan ófögnuð. Ég þarf varla að geta þess að ég og mín fjölskylda erum löngu hætt að láta svindla á okkur í þessari fjárplógsstarfsemi, nóg er samt.

[Hrabba (IP-tala skráð) 6.6.2008 kl. 10:35]

Tinna í pólítík! Fyrsta mál á dagskrá lækkun á bíómiðum um 10-20%

Hvað seguru annars? Er tjútt á dagskrá um helgina? Höllin á Eyró er laus til partyhalds annað kvöld ef

stemning er fyrir hendi.. Heyrumst!